من طرف ياماحلـى دلـة امــي تسويـهـا
تجلي عن الكبد حر سببـه احراقـي
ان اقبلت كن نور الشمـس كاسيهـا
وان ادبرت نص ساعه لشوفه اشتاقي
احـب شوفـه وقلبـي دوم مغليهـا
كملها ربي بحسن وزينـة اخلاقـي
ربي جعل جنته من تحـت رجليهـا
من عظمها زاد حبه داخل اعماقـي
لاضاق صدري وضمتني بياديهـا
يروح ماحس به في داخلي ضاقـي
لو روحي فدوة لها ماني مجازيهـا
ياكيف اغطي بديني نور الأشراقـي
تسهر على راحتي والنـوم جافيهـا
لو ابكي دمع(ن) بكت دم من اشواقي
حب صدوق(ن) وصادق في معانيها
قلبي على شوفهـا بالحيـل تواقـي
يمه دخيلك عن الدمعـه وطاريهـا
لاشفتها فوق خـدك كنهـا ساقـي
كن السما ضاقت بنفسي واراضيهـا
مالي مقـر بهـا لـولا الله الباقـي
كلـن تغـزل ولكـن مايسميـهـا
وانا بقول ان امـي أخـر اشواقـي
ادعي نهاري عسـى ربـي يخليهـا
عساه يومي قبل يـوم بـه فراقـي
واخر كلامي يامزعل امك ارضيها
ان كانك تخاف يوم الساق بالساقـي
ولاحياتـك نـدم لاتعـد ماضيهـا
هذا كلام(ن) كتبته وجفـت اوراقـي
